SELANIK -Mediat greke bëjnë të ditur se është arrestuar sot në Selanik, për llogari të autoriteteve italiane, këngëtarja shqiptare Liljana Kondakçi.
Referuar burimeve policore mësohet se Interpol Roma e kishte shpallur person në kërkim 58 vjeçaren shqiptare, pasi është provuar se ajo është pjesë e trafikut ndërkombëtar të drogës.
Ajo u kap një vit më parë me 3 kg drogë në Itali, por deklaroi në polici se nuk dinte çfarë përmbante pakoja, pasi ia kishin bërë dhuratë. Fillimisht ajo u lirua por më pas, hetimet e prokurorëve italianë provuan se Kondakçi, që thirrej nga banda "la mama", ishte pjesëtare e rrjetit.
Pritet që e arrestuara t'i dorëzohet në ditët në vijim autoriteteve italiane. Sipas policisë greke, ajo ishte strehuar në Selanik që nga problemet e fundit me drejtësinë.
Gazeta Shekulli.