Teknologji...

Gjiganti kompjuterik Hewlett Packard (HP) ka paraqitur anëtarin më të ri të familjes së vet të kompjuterëve tablet. Modeli me shenjën dalluese EliteBook 2740p ka karakteristika të cilat përmbushin edhe standardet ushtarake, e megjithëkëtë ka dizajn të bukur.


HP EliteBook 2740p ka ekran vëllimor të ndjeshëm në prekje me diagonale prej 12.1 inç, të mbuluar me shtresë xhamore, e më të cilin mund të menaxhohet edhe me lapsin (stylus) i cili shitet së bashku me këtë pajisje.

Ky tablet shihet 1.72 kilogramë, shitet me procesorin Core i5 apo Core i7, e pajisja është përpunuar në atë mënyrë sa që përmbushë edhe standardet ushtarake, me fjalë tjera, është i rezistueshëm ndaj temperaturave të larta, pluhurit, dridhjeve dhe gjërave të ngjashme. Sa u përket kompetenteve tjera, ato u janë lënë përdoruesve që t’i zgjedhin vet, e çmimi fillestar i tabletit EliteBook 2740p është 1.600 dollarë.

Frigorifer me hyrje në internet


Prodhuesi i aparateve elektronike Samsung nga Koreja e Jugut ka paraqitur të enjten frigoriferin i cili në dyert e tij ka të integruar një ekran me qasje ne internet. Në këtë ekran të vogël mund të vendosen fotografitë familjare, si dhe recetat të cilat u nevojiten.

Aparati i pazakonshëm shtëpiak ka marrë emrin "Zipel e-Diary", derisa i ekrani i ndjeshëm në prekje i cili gjendet në të ka 25 centimetra dhe ka softuer të zhvilluar Wi-Fi me anë të cilit mund të përcillni lajmet nga interneti apo parashikimin e motit. Në të po ashtu mund të radhitni fotografi dhe të dhëna tjera.
Mirëpo nuk është kjo e tëra. Ekrani i shkëlqyeshëm mundëson dërgimin dhe pranimin e fotografive edhe nga telefoni juaj celular.
Çmimi aktual është afro 2.200 dollarë. Aktualisht ky frigorifer është i dedikuar vetëm për tregun vendas, e nga Samsung nuk kanë bërë publike planet nëse do ta shesin jashtë kufijve të Koresë Jugore.