Duffy do ta këndojë këngën e radhës për Bondin?

Duffy mund të ndjekë hapat e bashkëkombësve të saj uellsianë, Tom Jones dhe Dame Shirley Bassey, dhe të incizojë temën muzikore të filmit të ri për James Bondin.

Filmi i radhës për agjentin sekret britanik me aktor kryesor Daniel Craig, tashmë është duke u xhiruar, ndërsa producentët e filmit dëshirojnë që Duffy ta këndojë këngën kryesore të filmit.
“Do të më pëlqente shumë nëse Duffy këndon këngën për filmin e radhës. Mendoj se ajo është e shkëlqyeshme”, është cituar producenti Michael G. Wilson nga tabloidi britanik “The Sun”.